Ezekiel 20
A Lehdo Israel
1A kum sagihna kum a kha ngana a nisawm ni-in Israel upate pawlkhat TOPA tungah thudong dingin hong pai uh a ka mai-ah tu uh hi. a 2 Tua ciangin TOPA thu kei tungah hong tunga: 3“Mihing tapa aw, Israel upate hopih inla, amaute kiangah: ‘Hih in Thupipen TOPA thugen ahi hi: Thu hong dong dingin hong pai na hi uh hiam? Ka nuntakna ka lo hi, Thu kong kidongsak kei ding hi, Thupipen TOPA in cikhia hi,’ ci-in amaute kiangah gen in. b 4 “Amaute thu na khen ding hiam? Mihing tapa aw, amaute thu khen ding na hi hiam? Tua ahileh a pate uh kihhuai gamtatnate hangin maitangsalh gawp inla 5amaute kiangah: Hih in Thupipen TOPA gen ahi hi: Israel ka teel lai-in Jacob innkuante’ suante tungah khut lamtosa in ka kiciam a, Egypt ah amaute tungah ka kilaak hi. Khut laamtosa in amaute kiangah, “Keimah TOPA note Pasian ka hi hi,” ka ci hi. 6Tua ni-in amaute tungah, Egypt panin paikhiatpih in amaute adingin ka zonsaksa gam khempeuh lakah a kilawmpen bawngnawi le khuaizu luanna gam tunpih dingin ka kiciam hi. 7Tua ciangin amaute kiangah “A kuamahpeuh in mitkhah lo-a na et uh a muhthadahhuai milimte paikhiamang unla Egypt milimte tawh no le no kininsak nawn kei un. Keimah TOPA note Pasian ka hi hi,” ka ci hi. c 8 “‘Ahi hangin amaute in kei hong lehdo uh a, ka thu a ngai kei uh hi; mitkhah lo-a a et uh a muhthadah-huai milimte paikhia lo tham loin Egypt milimte a paikhia tuan kei uh hi. Tua ciangin ka thangpaihna amaute tungah bua in, ka hehna, Egypt ah amaute tunga a zat dingin ka gen hi. 9Ahi hangin amaute in a tenpih uh minamte mai-ah ka min a daisak loh nadingun ka min hangin ka thuciam ka tungsak kei a, Israel mite muhin kei mahmah kilaakin Egypt panin amaute ka paikhiatpih hi. 10Tua ahi ciangin Egypt pan ka pikhia a, sehnel gamah ka tun hi. 11Keimah in ka thukipte amaute ka pia a, ka thukhamte ka theisak hi; ahang in, tuate a zuite in nuntakpih ding uh hi. 12Eite kikalah lim ahi dingin ka Sabbath-te zong ka pia hi. Tua ahi ciangin amaute in a siangthosak TOPA keimah ka hilam a thei ding uh hi. d 13 “‘Tua hi napi Israel mite in sehnel gamah kei hong lehdo uh hi. Amaute in ka thukipte zui loin ka thukhamte nial uh a - tuate zui-in gamta-a nungta ding hi na pi - ka Sabbath-te a ninsak gawp uh hi. Tua ahi manin amaute tungah ka thangpaihna ka bua dinga sehnel gamah amaute ka susia ding hi, ka ci hi. 14Ahi hangin amaute ka paikhiatpih a mu minamte mai-ah ka min a dai loh nadingin ka min ka khualna-in bangmah ka cih kei hi. 15Tua tham loin amaute ka piaksa gam khempeuh laka a hoih pen bawngnawi le khuaizu a luanna ka tunsak loh ding, sehnel-gama amaute tungah khut laamto a ka ciamsa zong ahi hi - 16bang hang hiam cih leh amaute in ka thukhamte nial uh a, ka thukipte zui loin ka Sabbath-te a tang kei uh hi. Ahang in, a lungsim un milim biak ding bek a ngaihsun uh hi. 17Tua hi napi ka hehpih a sehnel-gamah susia loin ka maimangsak tuan kei hi. 18A tate uh tungah, “Na pate uh bawl ngeinate zui loin amau thukhamte tang kei unla, milimte in kibuahsak kei un. 19Keimah TOPA note Pasian ka hi hi; ka thukipte zui unla ka thukhamte zui un. 20I kikal ah lim ahi theih nadingin ka Sabbath-te siangthosak un. Tua hileh keimah TOPA note Pasian ka hilam na thei ding uh hi,” ka ci hi. e 21 “‘Ahi hangin a tate un kei hong lehdo uh hi; ka thukipte zui lo uh a - ka thukhamte limtakin zui loin - tuate a zuite in nuntak lawh ding uh hi napi - ka Sabbath-te a buahsak uh hi. Tua ciangin sehnel gamah amaute tungah ka thangpaihna sungin ka hehna kong zang ding hi, ka ci hi. 22Ahi hangin amaute ka paikhiatpih a mu minamte mai-ah ka min a dai loh nadingin ka min ka khualna-in ka khut ka tonkiksak hi. 23Tua tham loin sehnel gamah ka khut laamto in, minamte lakah amaute delhkekin gam citengah ka thehthang ding ka kiciam zo hi, 24bang hang hiam cih leh amaute in ka thukhamte mang nuam lo uh a, tua tham loin ka thukipte nialin ka Sabbath-te buahsak uh a, a pate uh milimte mah a mitsuan tentan lai uh hi. 25Kei zong a hoih lo ngeina le a nuntakpih loh ding uh thukhamte ah ka ngawhngatsan hi. 26Amaute in cikzia-in keimah TOPA ka hilam a theih nadingun a letsongte uh - biakna-a a piak uh tacilte ▼▼20.26 Ahikeh - a tacil uh mei tawna piakna ka hihsak hi
tungtawnin amaute ka buahsak ding hi,’ ka ci hi. g 27 “Tua ahi manin mihing tapa aw, Israel mite hopih inla amaute kiangah, ‘Hih in Thupipen TOPA gen ahi hi: Na pate un kei hong taisanna uh tawh zong hong daisak uh hi: 28Amaute piak dinga ka ciamsa gamah ka paipih ciangin mualsang peuh, singtehpha peuh mu uh a, tuate ah a biakna uh pia-in, a gimnamtuite uh tawh bia in dawn theih-a biaknate sung uh a, a biakpiaknate un kei hong hehsak hi. 29Tua ciangin amaute tungah: Na paina uh hih munsangte bang hi lel hiam? ka ci hi. (Tuate tuni dongin Bamah ▼▼20.29 Bamah pen munsang cihna
kici hi.) i Thukhenna le Angei Batsakna
30 “Tua ahi ciangin Israel innkuante tungah gen in: ‘Hih in Thupipen TOPA gen ahi hi: Na pate uh gamtatsa bangin no le no kibuahsakin amaute milim kihhuaite mah lunggulh lailai ding na hi uh hiam? 31Na letsongte uh pia in - biakna-in na tate uh mei-in ▼▼20.31 Ahikeh - na tapate uh meihalna tawh
na hal uh ciangin tuni mahmah dong no le no na milimte uh hangin a kibuahsak na hi uh hi. Israel innkuante aw, thu hong kidongsak ding ka hi hiam? Ka nuntakna ka lo hi, note thudotin ka om peuhmah kei ding hi, Thupipen TOPA in ci hi. k 32 “‘Note in, “Leitung mi sing le suang a bia minamte i bang nuam hi,” na ci uh hi. Ahi hangin na lungsim ngaihsut bangun a piang ngei kei ding hi. 33Thupipen TOPA in ‘Ka nuntakna ka lo hi, ka khut thahat le ka zankhiat ka ban le ka thangpaihna sunkhiatna tawh kong uk ding hi,’ ci hi. 34Keimah in a thahat ka khut, ka zankhiat ka ban le ka thangpaihna sungkhiain kong thehthangna gamdanga minamte lak panin kong kaikawm kik ding hi. 35Minamte omna sehnel gamah kong puak dinga tua lai-ah note tawh maitang kituahin thu kong khensiang ding hi. 36Egypt gama sehnel gamah na pate uh tunga thu ka khen bangin no tungah zong kong khen ding hi, Thupipen TOPA in cikhia hi. 37Ka ciangkhut nuai-ah hong lutsakin kong ciamteh dinga thukhunin kong khih ding hi. 38Note lak panin kei hong langpana kei hong lehdote ka siaksiang ding hi. Amaute tenna gam panin ka paikhiatpih hangin Israel gamah a lut kei ding uh hi. Tua ciangin note in keimah TOPA ka hilam na thei ding uh hi. l 39 “‘Israel innkuante aw, hih in note adingin TOPA thugen ahi hi: Note a kuamapeuh in na milimte uh na sem un! Ahi hangin mailam hunah pel loin ka thu nong ngai ding uh a, na letsongte uh le na milimte uh tawh ka min siangtho na daisak nawn kei ding uh hi. 40Ahang in, ka mual siangtho tung, Israel mual sang munah Israel innkuan khempeuh in ka na sem ding uh a, tua lai-ah amaute ka sang ding hi; Thupipen TOPA in cikhia hi. Tua lai-ah biaknate le note deihtel letsongte ▼▼20.40 Ahikeh-tuateh na gahmasa letsongte uh
a siangtho biakpiaknate tawh kong ngen khawm ding hi. 41Na kithehthangna gam panun hong kaikhawmin minamte lakpan kong lakkhiat ciangin note gimnamtui bangin kong sang dinga minamte mai-a note lakah kei ka sianthona kong kilak ding hi. 42Tua ciangin khut laamtosa-a na pate uh tungah piak dinga ka ciamsa gam, Israel gamah kong tunpih ciangin note in keimah TOPA ka hilam na thei ding uh hi. 43Tua lai-ah na gamtatnasate uh, no le no na kinitsaknate khempeuh uh hanga no le no na kikih nadingte uh na phawk ding uh hi. 44Israel innkuante aw, note gitlohna le na gamtatsiatnate uh tawh kizui-in ka min hangin note tungah thu kong khen ni ciangin note in keimah TOPA ka hilam na thei ding uh hi, Thupipen TOPA in cikhia hi,’ ci-in gen in,” hong ci hi. n Leitaw-lam Siat nading Genkholhna
45 TOPA thu kei tungah hong tunga: 46“Mihing tapa aw, leitaw lam nga in; leitaw-lam siat ding thu hilh inla, leitaw-lam gama tulak siat nading genkhol in. 47Leitaw-lam tulak tungah, ‘TOPA kammal za in. Hih in Thupipen TOPA gen ahi hi: Nang mei-in kong hal dinga na singkungte khempeuh asi ahingin a kangtum ding hi. Meikuang kiphelh zo lo dinga, leilu pan leitaw dong maitang peuhmah tua mei hangin hulkhin ding hi. 48A kuamapeuh in keimah TOPA hal a hilam thei ding uh hi; a kiphelh zo kei ding hi. o 49 Tua ciangin, “Ah, Thupipen TOPA! Amaute in kei, ‘Amah gentehnate zanga thugen himawk lo maw?’ hong ci ding uh hi,” ka ci hi.
Copyright information for
ZomZIV